புனைகதையின் புதிய களம் PHOTOSHOP

புனைகதையின் புதிய களம் PHOTOSHOP

எந்தப் புலவனும் 

பாடாத சிம்மாசனம்!

நெகிழ்ச்சி நொடியில்

முகிழ்த்த தலைப்பு!!

யானையின் தும்பிக்கை

குட்டிச் சிங்கத்தை

சுட்டெறிக்கும் சூரியனிடமிருந்து

காக்கும் கையான அதிசயம்!

படமும் விளக்கமும்

கல்லையும் கனியாக்காதா?

உலகின் சிறந்த படமென

சாதனை முத்திரை 

பெற்றதில் வியப்பென்ன?

உணர்ச்சி வேறு அறிவு வேறு

அறிவு ஆய்விற்கு அடிபோடும்

ஆய்வு பொய்மை தோலையுரிக்கும்

உணர்ச்சி தலைகுனிய நேரிடும்

நானும் ஆய்வில் இறங்கினேன்

அந்த  உலக மகா சிறந்த படம்

எடுத்த கலைஞனைத் தேடி

இணையத்துள் விரல் நுனி வைத்தேன்

ஒரே நொடியில் SOCIAL MEDIA HOAX SLAYER

தவிடு பொடியாக்கியது 

PHOTO SHOP பொய்யுரையை

மக்களே போல்வர் கயவர்

 எனும் பொய்யா மொழி 

PHOTO SHOP காலத்திற்கு

மிகக் கச்சிதமாய் பொருந்தும் 

                                        நலந்தா செம்புலிங்கம்

                                         09.06.2018

குறிப்பு:

             ஏப்ரல் முதல் முட்டாள் தினத்தில் நாள் பார்த்து இப்புனை கதை வலைத்தளம் ஏறியிருக்கிறது.  ஏற்றியவரின் பெயர் Sloof Lipra எனக் குறிப்பிடப்பட்டுள்ளது.  Sloof Lipra  என்பது apirL foolS என்பதை வலப்பக்கதிலிருந்து இடப்பக்கமாக எழுதியதில் உருவான சொற்கள் தான்

                வாட்ஸ் ஆப் முகநூல் ட்யூட்டரிலும் இப்புனைகதை வேகமாகப் பரவியுள்ளது. ட்யூட்டரில் மட்டும் ஒன்பதே நாட்களில் 1,18,716 முறை ரீ ட்யூட் செய்யப்பட்டுள்ளது.