"வீறியெழு" தமிழ்ப் புத்தாண்டு வாழ்த்து

"வீறியெழு" தமிழ்ப் புத்தாண்டு வாழ்த்து
^^^^^^^^^^^^^^^^^^^^^^^^^^^^^^^^^^^^^^^
நாளும் கோளும்
வானியலும் தேர்ந்தவர்
கண்ட. கொண்டாடிய
சித்திரைப் புத்தாண்டு
நன்னாளில் வாழ்த்துக்கள்!

உயிர்க் கொல்லி
வைரஸ் கொரோனா !
நேர்மை கொல்லும்
வைரஸ் லஞ்சம் !

முன்னது தொற்றிக் கொல்லும்
பின்னது தொற்றித் தொடர்ந்து
நீங்காது நின்றும் கொல்லும்!

வாங்குபவனை மட்டுமல்ல
கொடுப்பவனையும் அடிமையாக்கும்
வினோத போதை வைரஸ்!

புதியதும் பழையதும்

வாட்டி வதைக்குது
சார்வரியே வா! வா!

வீறியெழு எனும் நற்றமிழ்
பெயர் கொண்ட புத்தாண்டே
பழைய புதிய வைரசுகளை
வழியனுப்பி நல்வாழ்வளிக்க
பீடு நடை போட்டு வா!!

நலந்தா செம்புலிங்கம்
14.04.2020