புதன், 18 அக்டோபர், 2017

தமிழ் இந்து தி.மு.க வை நேரடியாகவே ஆதரிக்கலாம்


 திராவிட இயக்க நூற்றாண்டு, திராவிடக் கட்சிகளின் ஐம்பதாண்டு ஆட்சி, முதுபெரும் தலைவர் கருணாநிதியின் அறுபதாண்டு சட்ட மன்றப் பணி நிறைவு ஆகிய திராவிட இயக்கத்தின் மூன்று முக்கியமான தருணங்களை தமிழ் இந்து நாளிதழ் "தெற்கிலிருந்து ஒரு சூரியன்" என்ற நூலை வெளியிட்டுக் கொண்டாடுகிறது.

          திராவிட இயக்கத்தின் பெரும் பங்களிப்பாக கருதப்படும் இறை மறுப்புக் கொள்கையும்  சாதி மறுப்புக் கொள்கையும்  இன்று எந்த நிலையில் உள்ளன? முன்பு கோவில்கள் மட்டும் இருந்தன, அங்கு கூட்டமும் குறைவாகவே இருந்தது.  இப்போது கோவில்களில் கூட்டம் பெருகிவிட்டது, பரிகார நேர்த்திக் கடன்கள் அதைவிடப் பெருகிவிட்டன போலிச் சாமியார்கள் ஏராளமாகிவிட்டனர்.  மந்திர மாந்திரீக வசிய குட்டிச் சாத்தான் விளம்பரங்கள் நாளிதழ்களில் மலிந்துவிட்டன.  சாதி மறுப்புத் திருமணங்களுக்கு எதிர்ப்பு வருகிறது, சில வேளைகளில் கலவரமும் வெடிக்கிறது.      

           திராவிடக் கட்சிகளின் ஐம்பதாண்டு ஆட்சி நிறைவில் எல்லோரும், இந்த. திராவிட இயக்கங்களால்  தோற்கடிக்கப்பட்ட பெருந்தலைவர் காமராசரின்  ஆட்சி மீண்டும் மலராதா எனத் தவிக்கிறார்கள். 


             துக்ளக் ஆசிரியர் அமரர் சோ பாரதிய ஜனதா கட்சியால் பாரளுமன்ற மாநிலங்களவை உறுப்பினராக்கப்பட்டார்.  வெவ்வேறு காலங்களில் கலைஞரையும் ஜெயலலிதாவையும் மாறி மாறிஆதரித்திருக்கிறார். அவருடைய சாா்புத்தன்மை ஒரளவு கேள்விக்குள்ளானது, பெரும்பாலும் ஏற்றுக் கொள்ளப்பட்டது, 

               இரண்டு திராவிடக் கட்சிகளிடமிருந்தும் சம  தொலைவில் விலகியிருக்கும் நடுநிலையாளர்களுக்கு   ஏதாவது ஒரு கட்சியை மட்டும் தான் விலக்க முடியும் என்ற யதார்த்த நிலை ஏற்படும் போது துக்ளக்கின் சார்பு நிலை வழிகாட்டுதலாகவே இருந்தது.  அதற்குக் காரணம் சோ அவர்களின் வெளிப்படைத்தன்மை தான்.

                  கலைஞர் அல்லது ஸ்டாலின் தலைமையிலான தி, மு, க தான் தமிழ்நாட்டிற்கு இன்றைக்கு ஒரே வழி என தமிழ் இந்து கருதுமேயானால் அதை வெளிப்படையாகச் சொல்லாம்; தமிழ் இந்து தி.மு.க வை நேரடியாகவே ஆதரிக்கலாம்.  போயஸ் தோட்டத்தில் திரு "இந்து" ராம் பவ்வியமாக துக்கம் விசாரிப்பதை போல திருமதி சசிகலாவின் தலைமையை அங்கீகரித்தை தமிழ்நாட்டு மக்கள் பெரிதுபடுத்தமாட்டார்கள். (அன்றைய தினம் முதல்வராக இருந்த பன்னீர் செல்வத்திடம் இவர் துக்கம் கேட்டாரா என்பது தெரியவில்லை)



புதன், 4 அக்டோபர், 2017

மதிப்பெண்களுக்கு அப்பாலுமுள்ள மாணவர் நலன்

மதிப்பெண்களுக்கு 
அப்பாலுமுள்ள மாணவர்நலன் 
 வெற்றி என்பது முயற்சியின் பலன்.  ஒரு முயற்சியில்முதல் முயற்சியில்வெற்றி பெறுவது என்பதே பெரும் சிறப்பு.  ஓரே முயற்சியில் இரண்டுகுறிக்கோள்களை அடைய முனைந்தால்உலகம் அந்த முயற்சியையே பேராசைஎனக்கருதும்:  ஒரு கல்லில் இரண்டு மாங்காயாஎன    எதிர்கேள்வி கேட்கும்.
             
      இப்போது ஒரு விருதுமூவருக்குப் பாராட்டாக அமைந்துள்ளது 


  காரைக்குடி அழகப்பா  மெட்ரிக் பள்ளிக்கு எத்தனையோ சிறப்புகள் உள்ளனஆனால் வெளியில் தெரியாத  ஒரு சிறப்புமதிப்பெண்களுக்கு அப்பாலுமுள்ள மாணவர்களின் நலன்களை மேம்படுத்த ஒரு ACADEMIC COUNSELOR - நியமித்திருக்கிறார்கள்அச்சொல்லிற்கு கல்வி ஆலோசகர் என்று  அகராதி பொருள்சொல்கிறது.  ஆனால் அழகப்பா மெட்ரிக் பள்ளியின் ACADEMIC COUNSELOR -ன்  பணி  அகராதி தரும் விளக்கத்தைவிடக் கூடுதலானது.


 .  தனிக் கவனம் தேவைப்படும் மாணவர்களுக்கு ஊக்கமளிப்பது தான் அவரதுமுதன்மைப் பணி.  அத்துடன் இந்தக் காலத்தில் மிகவும் அரிதாகிவிட்ட நீதிநெறிவகுப்பு நடத்துவதும் அவரது பணியாகும்

       அந்தப் பணியை உருவான கதை இன்னும் சுவையானது.  ஒரு மாணவியின் தாய்,பள்ளி நிர்வாகிகளிடம் பள்ளி மற்றும் மாணவர்களின் நலனிற்காக சிலகருத்துக்களைச் சொன்னார்.  அவர் சொன்ன பரிந்துரைகளை நிறைவேற்றஅவரையே ACADEMIC COUNSELOR  நியமித்துவிட்டார்கள்.  அப்போது அந்தத் தாய்முதுகலை சட்டம் (M.L) பயின்று வழக்கறிஞராகப் பணியாற்றிக் கொண்டிருந்தார்அழகப்பாவின் அழைப்பை ஏற்று சட்டப் பணியை விடுத்து கல்விப் பணியை ஏற்றாா்.



அவர் தான் திருமதி வித்யாலட்சுமி.   
இவர் B.A., M.L., P.G.D.H.R.M., 
எனப் பலபட்டங்களைப் பெற்ற
 நற்சிந்தனையாளர்.     இவர் தமது பள்ளிப் பணியின் 
நீட்சியாக"சிகரம் தொடுவோம்"  
எனும் தனித்துவம் வாய்ந்த 
பத்திரிக்கையையும்
நடத்திவருகிறார்.

            



 இப்பணிகளிக்கிடையே    M.A  (Child care & Education)  படித்துவருகிறார்.  இவற்றோடு மேடைப் பேச்சிலும் கவிதையிலும் சிறந்து விளங்கும் இந்தமாணவர் மேம்பாட்டு ஆலோசகரை தினமலர் நாளிதழ் , "லட்சிய ஆசிரியர்எனும்தகுதியான விருது வழங்கிய அண்மையில் கெளரவித்திருக்கிறது.

             மாணவர் மேம்பாட்டு ஆலோசகர் வித்யா லட்சுமி மட்டுமல்லதினமலரும்,அதற்கும் மேலாக அழகப்பா மெட்ரிக் பள்ளியினரும் பெரும் பாராட்டிற்குரியவர்கள்தான்
                         நலந்தா செம்புலிங்கம்
                                                                          03.10.2017


சனி, 19 ஆகஸ்ட், 2017

INFOSYS காமராசர்கள்


INFOSYS காமராசர்கள்





மாற்றம் என்பது மாறாதது
இது,  உலகப் பொது உண்மை

பங்குச் சந்தைக்கு
இந்தப் பேருண்மையே
யானை மீது எறும்பு ஊரும்
உறுத்தாத உராய்வு தான்

பங்குகளின் விலைகளும்
அந்தச் சந்தையின் நிலைகளும்
Narayana Murthy & Sudha Murthy
இமைக்கும் கணத்தில்
இமயத்தில் கொடியையேற்றும்
அடுத்த நொடியே
பாதாளத்திலும் படுக்கும்
சீற்றமும் சறுக்கலும்
சந்தையில் சாதாரணம்

பங்குகளின் விலைகளும்
அந்தச் சந்தையின் நிலைகளும்
எதற்காக ஏறும்? இறங்கும்?
யாருக்குத் தான் தெரியும்?

லாப நாட்டப் பேரேடுகளில்
ஒரு  நிறுவனம் முன்னேறும்
சந்தையிலோ அதன் பங்கு
சடசடவெனச் சரியும் 
Nandan Nilekani
லாபம் எதிர்பார்த்த அளவில்லை
நிபுணர்கள் விளக்கம் நல்குவர்

பங்குகளின் விலைகளும்
அந்தச் சந்தையின் நிலைகளும்
யாருக்காக ஏறும்? இறங்கும்?
யாருக்குத் தான் தெரியும்?




ஆதி  நாட்களில்
வள்ளல் அழகப்பரின்
 விரலசைவுகள் தான்
பங்குச் சந்தையின் 
திசைகளைத் தீர்மானித்தன

டாட்டாவும் பிர்லாவும் ஆதிக்கம்
செலுத்தி இருக்கின்றனர்
ரிலையன்ஸ் திருபாய் அம்பானி
சாமானிய   முதலீட்டாளனைச்
சக்கரவர்த்தி ஆக்கினார்


தொழிலில் முதன்மை
எதிலும் நேர்த்தி
எல்லாவற்றிலும் ஒழுங்கு 
அது தான் இன்போசிஸ்

பங்குச் சந்தையின்
முதல் மரபணு அதிரடி தான்
அதற்கு எதிர்நீச்சல் போட்டு
படிப்படியாய் முன்னேறி
பங்குச் சந்தையிலும்
புதிய தடம் பதித்தது இன்போசிஸ்


மாற்றம் என்பது மாறதாதது
இன்போசிசும் விதிவிலக்கல்ல
BOARD ROOM BATTLE எனும்
நிர்வாகத்தின் உட்கட்சிப் பூசல்
புதிய அவதாரம் எடுத்தது
உண்மையில் விநோத அவதாரம்





                    


காட்டை கழனியாக்கிய 
நாராயண மூர்த்தியும்
ஆதி கூட்டாளிகளும்
கார்ப்பரேட் காமராசர்களாகி
தாமே விதைத்து வளர்த்த
இன்போசிஸ் நிறுவனத்தில்
 புதிய தலைமுறைக்கு
வழிவிட வேண்டுமெனும்
இலட்சிய வேட்கையில்
அதிகாரப் பதிவிகளிலிருந்து
விரும்பி விலகினார்கள்,

புதிய தலைமைக்கு
உலகெங்கும் வலைவீசினார்கள்
தம் குடும்ப வாரிசுகளைப்
பட்டியலில் கூடச் சேர்க்கவில்லை
அந்த INFOSYS காமராசர்கள்

CEO Vishal Sikka

                                            

ஆதி கூட்டாளிகளும்
புதிய தலைமைக்கு
இடையே  மனத்தாங்கல் 
புதிய  தலைவரின்
நேற்றைய விலகல்
இடியாய் விழுந்தது
பங்குச் சந்தையில்

இன்போசிஸ் பங்கு விலை
கத்திரி வெயிலில் சுருண்ட
வெற்றிலைக் கொடியென
பத்து சதம் கரைந்தது
சென்செக்ஸ் எனும்
பங்குச் சந்தை தர்மாமீட்டர்
உச்சத்தில் 450 புள்ளிகளையும்
முடிவில் 270 புள்ளிகளையும்
பறிகொடுத்தது பரிதவித்தது


பங்குச் சந்தையின்
நீள அகலங்கள் மேடு பள்ளங்கள்
கவிதை மிகைகளை விஞ்சும்

வெள்ளிப் பணம் இங்கே 
வெள்ளமாய் புழங்கும்
சேர்த்தவர்களோ கொஞ்சம்
நிலையாமைத் தத்துவத்தை
பட்டறிந்த பட்டினத்தார்களோ
ஏராளம் ஏராளம்
              
        நலந்தா செம்புலிங்கம்
                                           19.08.2017